كازمی چەند بڕیارێكی نوێی دەركرد

لە كاردانەوەی دوو تەقینەوەكەی ئەمڕۆی بەغداد دا، سەرۆكوەزیرانی عێراق ژمارەیەك كاربەدەستی ئەمنی و هەواڵگری گۆڕی.

دوای ئەوەی ئەمڕۆ دوو تەقینەوەی خۆكوژی لە گۆڕەپانی “تەیەڕان” لە ناوچەی باب شەرجی بەغداد ڕویاندا، مستەفا كازمی سەرۆكوەزیرانی عێراق كۆبوونەوەیەكی بەپەلە و نائاسایی لەگەڵ كاربەدەستانی ئەمنی و هەواڵگریی بەغداد ئەنجامدا.

كەمێك لەمەوبەر كۆبوونەوەكە بە دەركردنی چەند بڕیارێك لەلایەن سەرۆكوەزیرانەوە كۆتاییهات، یەكێك لەو بڕیارانە، گۆڕینی كاربەدەستانی پۆلیس و هێزە ئەمنی و هەواڵگرییەكانی ناوچەی تەقینەوەكان بوو.

كازمی بڕیاریشیدا سوپا هاوكاربێت لە پاراستنی ئاسایشی بەغداد، داواشی لە بەرپرسانی دەزگا ئەمنییەكان كرد هەوڵی زیاتر بخەنەگەڕ لەپێناو پاراستنی ئاسایش و ئارامیی هاوڵاتییان و ڕایگەیاند، “كەلێن و بۆشایی لە هەر دەزگایەكی ئەمنیدا هەبێت، چارەسەری دەكەین.”

بابەتی پێشتر

تەندروستیی هەرێم: 77 توشبووی نوێی كۆرۆنا تۆماركران

بابەتی دواتر

ئەوروپا مەرجی "ڕێزگرتن لە مافەكانی مرۆڤ" بۆ توركیا دادەنێت

بابەتی پەیوەندیدار
زیاتر ببینە

دیالە.. “10 مۆڵگەی داعش لەناوبران”

لە سنووری پارێزگای دیالە، سوپای عێراق 10 مۆڵگەی داعشی لەناوبرد، هەشتیان لەڕێگەی فڕۆكەكانەوە بوون. بەڕێوبەرایەتیی هەواڵگریی سەربازی سەربە…
Total
0
Share