وەزارەتی دارایی رایگەیاند، ئەمڕۆ مووچەی دوو مانگی مامۆستایانی گرێبەستی خوێندنی باڵا دابەشدەکرێت.
وەزارەتی دارایی و ئابوریی هەرێم بڵاویکردەوە، “رۆژی چوارشەممە 26ی شوباتی 2025 مووچەی مانگی تشرینی یەکەم و تشرینی دووەمی مامۆستایانی گرێبەستی وەزارەتی خوێندنی باڵا بەپێی بەرواری دەستبەکاربوونیان دابەشدەکرێت کە تەمویلەکەیان لەسەر داهاتی ناوخۆ دەبێت”.
باس لەوەشدەکات، “دابەشکردنی مووچەی مامۆستایانی گرێبەستی خوێندنی باڵا دوای تەواوکردنی سەرجەم رێکارەکانی وردبینی و ژمێریاری لە وەزارەتی خوێندنی باڵا و گەیشتنی لیستەکانیانە بە گەنجینەکانی وەزارەتی دارایی”.
