وەزارەتى نەوتى عێراق رایدەگەیەنێت، سەرەڕاى رێککەوتنى ئەمدواییە سەبارەت بە هەناردەى نەوتى هەرێم پابەنددەبێت بەو بڕە هەناردەیەى لەلایەن ئۆپیک پڵەسەوە بۆى دیاریکراوە.
وەزارەتی نەوتی عێراق لە راگەیەندراوێكدا ئەمڕۆ دووشەممە بڵاویكردووە، عێراق پابەندبوونی خۆی بۆ رێككەوتنەكانی رێكخراوی ئۆپێك پڵەس دووپاتدەكاتەوە.
ئاماژەی بەوەشكرد، رێوشوێنی پێویست دەگرنەبەر بۆ دڵنیابوون لە جێبەجێكردنی تەواوی خاڵەكانی پەیوەست بە رێكکەوتنەكەیان لەگەڵ رێكخراوی ئۆپیك پڵەس و قەرەبووكردنەوەی بەرهەمی زیادە لە ماوەی رابردوودا.
وەزارەتى نەوت دووپاتیشیکردەوە، هەوڵى تەواو دەدات بۆ قەرەبووکردنەوەى بەرهەمى زیادەى کەڵەکەبوو، لەگەڵ لەبەرچاوگرتنى پێشهاتەکانى ئەمدواییە و ئەگەرى وەرگرتنى نەوتى بەرهەمهێندراو لە هەرێمى کوردستان و دەستپێکردنەوەى هەناردەى لەڕێى بۆریى عێراق-تورکیا و پابەندبوون بە پشکى بڕیاردراوى عێراق لە سایەى رێککەوتنى ئۆپیک بۆ کەمکردنەوەى خۆبەخشانە و بڕى قەرەبووى پێویست.
