پەروەردەی شارەزوور، بڕیاریدا سبەی لە ناوەندەكانی خوێندنی سنووری پەروەردەكەدا بكاتە پشوو.
بەپێی راگەیەندراوێكی بەڕێوەبەرایەتیی پەروەردەی قەزای شارەزوور كە وێنەیەكی دەست تۆڕی میدیایی ئێستا كەوتووە و تێیدا هاتووە، بەهۆی ناسەقامگیریی كەشوهەواوە و لەبەر سەلامەتیی گیانی خوێندكاران بڕیاردرا سبەی بكرێتە پشوو.
هەر لە راگەیەندراكەدا هاتووە، تاقیكردنەوەی بەرایی (تمهیدی) پۆلی 12 لە كاتی خۆی ئەنجامدەدرێت و نابێتە پشوو و رۆژی سێشەممە دەوام ئاساییدەبێتەوە.
