سوودێکی نوێی سەوزە گەڵادارەکان بۆ تەندروستیی ئاشکرادەکرێت

پسپۆڕێکی بواری زانستیی خۆراک چەند سوودێکی نوێی سەوزە گەڵادارەکان بۆ تەندروستیی مرۆڤ ئاشکرادەکات.

د.مەجدی نازیح، پسپۆڕی زانستیی خۆراک رایگەیاندووە، بە شێوەیەکی گشتیی سەوزە گەڵادارەکان سوودێکی زۆرییان بۆ تەندروستیی مرۆڤ هەیە و دەبنە هۆی پارێزگاریکردن لە تەندروستیی مرۆڤ، لە نوێترین توێژینەوەشدا سوودێکی نوێیان ئاشکراکراوە، کە بریتییە لە بەهێزکردنی بەرگریی جەستە لەدژی تووشبوون بە نەخۆشیی شەکرە بەهەردوو جۆرەکەیەوە، جۆری یەکەم و دووەم.

ئەوەشی خستووەتەڕوو، سەوزە گەڵادارەکان رۆڵێكی ئەرێنی و کاریگەر لە چارەسەرکردنی نەخۆشی شەکرە و کەمکردنەوەی کاریگەرییەکانی دەبینن، هەروەها خواردنی بە شێوەیەکی گونجاو لە رۆژانەدا ئەگەری تووشبوون بە نەخۆشییەکانی شەکرە کەمدەکاتەوە و ئەو کەسانەشی کە تووشبووی نەخۆشییەکەن یارمەتی چاکبوونەوە و کۆنتڕۆڵکردنی نەخۆشییەکەیان دەدات.

ناوی چەند جۆرێکی سەوزەی گەڵادار کە دەوڵەمەندن بە ڤیتامینەکان و بڕێکی باشی ریشاڵییان تێدایە و بەخواردنییان سوودێکی زۆری تەندروستیی بەدەستدەهێندرێت:-

1- بڕۆکلی

2- پیاز

3- گەڵای چەوەندەر

4- سپێناخ

5- کاهوو