لە هێرشێکدا لە رۆژهەڵاتی فەرەنسا کەسێک گیانیلەدەستدا و پێنجی دیکەش برینداربوون.
ئاژانسی هەواڵی فرانس پرێس بڵاویکردەوە، ئێوارەی ئەمڕۆ لە رۆژهەڵاتی فەرەنسا لە کاتی بەڕێوەچوونی گردبوونەوەیەک کەسێک بە چەقۆ هێرشیکردووەتە سەر چەند کەسێک و لە ئەنجامدا کەسێکی کوشتووە و پێنجی دیکەش برینداربوون.
ئاماژەی بەوەشکرد، دوو لە بریندارەکان برینەکانیان سەختە، سیانیان کە پۆلیس بوون برینەکانیان سوکە.
جەختیشیکردەوە، هێرشبەرەکە پیاوێکی تەمەن 37 ساڵانە، بەپێی لێکۆڵینەوە سەرەتاییەکان رووداوەکە تیرۆرستی بووە.
