بەڕێوەبەرایەتیی كەشناسیی هەرێم رایدەگەیەنێت، پێشبینیدەكرێت ئەمشەو بارانی پچڕپچڕی ناو بەناو تا نیوە شەو بەردەوامبێت و بەفر لە ناوچە شاخاوییە سنوورییەكان دەبارێت.
بەپێی راگەیەندراوێكی بەڕێوەبەرایەتیی كەشناسیی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، پێشبینیدەكرێت ئەمشەو بارانی پچڕ پچڕی ناو بەناو تا نیوە شەو لە سەنتەری شاری هەولێر و دهۆك بەردەوامدەبێت.
ئاماژە بۆ ئەوەش كراوە، پێشبینیدەكرێت لە درەنگانی شەو لە سەنتەری پارێزگاكانی سلێمانی، هەڵەبجە، كەركوك و ناوچەكانی گەرمیان بارانی مامناوەند ببارێت لەگەڵ بارینی بەفر لە ناوچە شاخاوییە سنوورییەكان.
بڕی بارانی 12 كاتژمێری رابردووی بەشێك لە ناوچەكانی هەرێم:
هەولێر/ 3.4 ملم
شەمامك / 2.4 ملم
خەبات / 5.2 ملم
پیرمام/ 9.0 ملم
سۆران/ 7.8 ملم
بارزان/ 21.2 ملم
حاجی ئۆمەران/ 2.6 ملم
سلێمانی/ دڵۆپ دڵۆپ باریوە
هەڵشۆ/ 0.2 ملم
دهۆك/ 25.7 ملم
زاخۆ / 21.8 ملم
بامەرنێ/ 17.0 ملم
ئامێدی/ 10.2 ملم
ئاكرێ/ 15.8 ملم
مانگیش/ 21.6 ملم
كەركووك/ دڵۆپ دڵۆپ باریوە
خانەقین/ دڵۆپ دڵۆپ باریوە
