د. نەرمین مەعروف ئەندامی لیژنەی دارایی لە كۆبوونەوەكەی ئەمشەوی پەرلەمانی عێراقدا دەنگدرا لەسەر بڕگەی 8ی ماددەی 14 كە وەك پیشنیازی فراكسیۆنی یەكێتیی نیشتمانیی كوردستان پێشكەشكرابوو بە لیژنەی دارایی و تایبەتە بە پابەندكردنی حكومەتی هەرێم كە بەر لە هەر خەرجییەك پێویستە مووچەی فەرمانبەران و خانەنشینان دابەشبكات بە پێی یاسا بەركارەكان و بەشێوەیەكی دادپەروەرانە پشكی پارێزگاكانی هەرێم لە بودجە دابەشبكات.
وتیشی، “بە پێچەوانەوە سەرۆك وەزیرانی حكومەتی فیدڕاڵ پێویستە هەموو رێكارێك بگرێتەبەر بۆ جێبەجێكردنی ناوەڕۆكی ئەم بڕگەیە بە گەرەنتی و پارەداركردنەوەكە”.
هاوكات د. بڕیار ڕەشید، ئەندامی فراكسیۆنی یەكێتی لە ئەنجومەنی نوێنەرانی عێراق رایگەیاند، “بڕگەی تایبەت بە مامەڵەی راستەوخۆی پارێزگاكان لەنێو بوجە پەسەندكرا”.
