وتەبێژی دەزگای ئاسایشی هەرێم رایدەگەیەنێت،”تاوەكو ئێستا 11 تیكتۆكچیمان دەستگیركردووە و هەڵمەتەكەمان بەردەوامدەبێت”.
عەقید سەلام عەبدولخالق، وتەبێژی دەزگای ئاسایشی هەرێم لە لێدوانێكدا بە تۆڕی میدیایی ئێستای راگەیاند، “تاوەكو ئێستا 11 تیكتۆكچیمان دەستگیركردووە و هەر كەسێك لە تۆڕە كۆمەڵایەتییەكان بڵاوكراوەی نەشیاو بڵاوبكاتەوە ، بەپێی رێكارە یاساییەكان و بڕیاری دادوەر دەستگیردەكرێت و هەڵمەتەكەش بەردەوامدەبێت.
جێی ئاماژە بۆ كردنە، لە چەند رۆژی رابردوو دەزگای ئاسایشی هەرێم دەستگیركردنی چەند كەسێكی بە تۆمەتی خراپ بەكارهێنانی تۆڕە كۆمەڵایەتییەكان راگەیاند.
