بەڕێوەبەرایەتیی گشتیی پۆلیسی دهۆک سێ تۆمەتباری دەستگیرکرد، کە بە فێڵ خەڵکیان بردووە و دواتر بە تۆمەتی دەستدرێژی بۆ سەر ژنان پارەیان لێوەرگرتووە.
هێمن سولەیمان وتەبێژی بەڕێوەبەرایەتیی گشتیی پۆلیسی دهۆک ڕایگەیان، ئەو تۆمەتبارانە لە دوو پیاو و ژنێک پێکهاتبوون کە خەڵکیان هەڵخەڵەتاندووە و پارەیان لێوەرگرتووەن.
ئاماژە بەوەشدەکات، ژنەکە بە فێڵ پیاوی بردووەتە ماڵێکەوە کە تایبەتبووە بە خۆیان و دواتر لەلایەن دوو پیاوەکەی هاوکارییەوە هێرش کراوەتە سەر ئەو پیاوانە و بە تۆمەتی دەستدرێژی بۆ سەر ژنەکە پارەیان لێوەرگرتووە.
دەڵێت، توانیویانە هەرسێ تۆمەتبارەکە دەستگیربکەن و لە لێکۆڵینەوەکانیاندا دانیان ناوە بە تاوانەکەیاندا.
