پیاوێکی کورد بەهۆی ئەوەی خراپ ئۆتۆمبیلی لێخوڕیوە لەلایەن دادگای “کیفرییەوە” کە دادگایەکی ئیسلامییە ناچارکراوە بە 250 کاتژمێر بەشداریکردن لە وانەی قورئان خوێندندا بەشداری بکات.
موحسین مورادی، بەرپرسی دادگای کیفیری دوو، بەشی ورمێ، بڕیاریداوە ئەو پیاوە کوردە بەشداری بکات لە چەندین وانەی قورئان خوێندندا کە بەهۆی ساڵیادی کوشتنی قاسم سولەیمانی ڕێکخراوە.
دادگای کیفیری، دادگایەکە کە حوکمەکانی زیاتر لە بنەما ئیسلامییەکانەوە سەرچاوە دەگرێت، بەشێک لەو تۆمەتانەی ئاڕاستەی تۆمەتباران دەکرێت لە ڕێگەی “چاکسازی ئیسلامییەوە” بەسەر تۆمەتباراندا دەسەپێنرێت.
لە حوکمێکی هاوشێوەدا چەند مانگێک پێش ئێستا دانیشتوویەکی شاری بەندەر عەباس لەڕێگەی لقی هەمان دادگاوە کەسێک ناچارکراوە لە زنجیرە وۆرک شۆپێکی ئیسلامیدا بۆ چەنیدین ڕۆژ بەشداری بکات.
ئەو حوکمانەی کە لەڕێگەی ئەو دادگایەوە بەسەر تۆمەتباراندا دەسەپێنرێت چەندین شێوازی ناچارین لەوانە، “شۆردنی تەرم، خزمەتکردن لە ڕیزەکانی بەسیج، خوێندنەوەی کتێبەکانی سەرکردەکانی سوپای پاسداران، خوێندنەوەی کتێبی (تاوانەکانی ئەمریکا)”.
