پارێزگاری سلێمانی رایگەیاند، “کردنەوەی لقی هەر بانکێک بە یاساکانی نێوان هەردوو حکومەتی هەرێم و عێراقەوە پەیوەستە”.
هەڤاڵ ئەبوبەکر، پارێزگاری سلێمانی بە رۆژنامەنووسانی راگەیاند، “ناوەندی نێودەوڵەتیی دارایی و بازرگانی کە ئەمرۆ لەلایەن عەلی عەلاق، پارێزگاری بانکی ناوەندیی عێراقەوە دەکرێتەوە، لەسەر ئاستی عێراق و هەرێمی کوردستان یەکەمە و دەرفەتی ئەوەی تێدایە کە سەرجەم بانکە حکومی و ئەهلییەکان بۆڕسەکان، نووسینگەکانی حەواڵە، بوارەکانی وەبەرهێنان، بازرگانیکردن، بازاڕ، پیشەسازی و سەرمایە گوزاری لق و ئۆفیس و شوێنی خۆیانیان لەناو ئەو ناوەندەدا هەبێت”.
ئەو شوێنانەی لەو ناوەندەدا دەکرێنەوە متمانەی نێودەوڵەتی و بانکی ناوەندیی عێراقیان پێدراوە و ناوەندەکە سلێمانی دەباتە قۆناغی گەشەکردنەوە”.
پارێزگاری سلێمانی لەبارەی کردنەوەی لقی بانکەکانی رەشید و رافیدەین لە شاری سلێمانی وتی، “کردنەوەی لقی هەربانکێک پەیوەستە بەو یاسا و رێنماییانەی لەنێوان هەردوو حکومەتی هەرێم و عێراقدا هەیە”.
