راوێژکارێکی سودانی رایدەگەیەنێت، رێکخستنەوەی سەرچاوە ئاوییەکانی نێوان عێراق و تورکیا نزیکە و لە چەند رۆژی داهاتوو دەچێتە بواری جێبەجێکردنەوە.
تۆرهان موفتی، راوێژکاری سودانی بۆ کاروباری پەیوەست بە سەرچاوەکانی ئاو رایگەیاند، پاش تەواوبوونی سەرجەم رێکارە یاسایی و کارگێڕییەکان لە چەند رۆژی داهاتوودا، رێککەوتنی عێراق-تورکیا سەبارەت بە رێکخستنەوەی سەرچاوەکانی ئاو، دەچێتە بواری جێبەجێکردنەوە.
وتیشی، تورکیا دەستیکردووە بە زیادکردنی رێژەی ئاوی هەردوو رووباری دیجلە و فوڕات، هەروەها عێراق گەرەنتی تەواوی لە تورکیا وەرگرتووە کە پشکی تەواوی خۆی لە ئاو بۆ سەرچاوە کشتوکاڵی و پیشەسازییەکان وەربگرێت.
