بەڕێوەبەرایەتیی کەشناسیی هەرێم بڵاویکردەوە، لە ئەمڕۆوە بەفر و باران دەستپێدەکات و تا سبەینێ کاتەکانی ئێوارە بەردەوام دەبێت.
بەڕێوەبەرایەتیی کەشناسی و بومەلەرزەزانیی هەرێم بڵاویکردەوە، ئەمڕۆ پێنجشەممە ئاسمان هەوری باراناوی دەبێت بە درێژایی کاتەکاندا لەگەڵ بەفربارین لە ناوچە شاخاوییەکان زیاتر لەناوچە سنوورییەکاندا.
ئاشکراشیکرد، سبەینێ هەینی ئاسمان هەور دەبێت لەگەڵ بەفربارین لە زۆربەی ناوچە شاخاوییە بەرزەکاندا و نمەباران لە ناوچە جیاجیاکاندا، پاشان لە کاتەکانی دواینیوەرۆ کاریگەری دابارین لاواز دەبێت.
باسیلەوەشکرد، لە ناوچە شاخاوییە سنوورییەکان کاریگەری ئەم شەپۆلە بە لاوازی بەردەوامی دەمینێتەوە بۆ کاتەکانی بەیانی رۆژی شەممە.
