چالاکوانێکی ژینگەیی: 19%ی جۆرەکانی درەخت و گیانەوەر لە کوردستان بەرەو لەناوچوون دەچن

چالاکوانێکی نێودەوڵەتیی بواری ژینگە باس لە مەترسییەکانی سەر ژینگەی کوردستان دەکات بە هۆکارە جیاوازەکان گرنگترینیان گۆرانکارییەکانی ئاووهەوا، بەپێی هۆشدارییەکانی ئەو چالاکوانە 19%ی درەخت و گیانەوەرەکانی هەرێمی کوردستان لە چەند دەیەی داهاتوودا لەناودەچن.

خالید سلێمان ڕۆژنامەنووس و چالاکوانی نێودەوڵەتیی ژینگەیی ئاماژە بۆ ئەوەدەکات، بەپێی ئەو پێشبینییانەی بۆ کاریگەرییەکانی گۆڕانکارییەکانی ئاووهەوا دەکرێت، تا ساڵی 2050 جۆرە جیاوازەکانی درەخت و گیانەوەر لە هەرێمی کوردستان بەڕێژەی 19% لەناودەچن.

خالید سلێمانی هۆشداری لە مەترسیی ئەو گۆڕانکارییانە دەدات و دەڵێت، “ئەمە ئاماژەیەکی ترسناکە”، هۆکارەکەشی بۆ بەرزبوونەوەی زۆری پلەکانی گەرما دەگەڕێتەوە.

سەبارەت بە ڕێگری لە کاریگەریی زۆری گۆڕانکارییەکانی ئاووهەوا نووسیویەتی، دەبێت پلانی پێشوەختە لە دروستکردنی پارێزراوی سروشتییەوە تا یاسای پاراستنی جۆرەکان و بەشداریپێکردنی کۆمەڵگا کاری لە پێشینە بێت.

پێشتر خالید سلێمان لە وتارێکدا سەبارەت بە هێرشەکانی تورکیا و دەستی ئەو وڵاتە لە تێکدان و وێرانکردنی ژێرخانی ژینگەیی هەرێمی کوردستان باسی لەوەکردبوو، هاوشانی کوشتنی هاوڵاتییانی کوردستان تورکیا بە پلان دارستان و گیانەوەرانی هەرێمی کوردستان دەکاتە ئامانج، هێرشەکانی تورکیا بووەتە هەڕەشەی ڕاستەوخۆ بۆسەر گیانەوەران وەک بەراز، تیمساح، کیسەڵ و بەشێک لە باڵندەکان و زۆر جۆری دیکە، سەرەڕای سوتان و گڕگرتنی درەختەکانی سنوورەکانی هەرێمی کوردستان بەهۆی بۆردومانی ڕاستەوخۆی تورکیا لەو ناوچانە.

بابەتی پێشتر

بەغداد.. دایك و باوكێك دەستگیركران كچەكەیان بە 10 هەزار دۆلار فرۆشتبوو

بابەتی دواتر

چاڤی داوای لە مێسی كردووە بگەڕێتەوە

بابەتی پەیوەندیدار
Total
0
Share