وەزیری دارایی هەرێم رایگەیاند، “بەشێکی زۆری کێشەکانی مووچە بۆ ساڵی 2025 چارەسەربوون”.
ئاوات شێخ جەناب، وەزیری دارایی و ئابوریی هەرێم رایگەیاند، لەسەر بنەمای ئەو رێكکەوتنەی لەگەڵ حکومەتی عێراق کراوە، بەشێکی زۆری کێشەکانی بەردەم مووچە بۆ ساڵی 2025 چارەسەربوون و ئەوەش هەنگاوێکی گرنگە بۆ ئەوەی هەرێمی کوردستان بتوانێت کار لەسەر سەرپێخستنەوەی پڕۆژەکان بکات و شایستەی داراییان بۆ دابینبکات.
بەپێی راگەیەندراوێکی وەزارەتی دارایی، وتەکانی ئاوات شێخ جەناب لە دیدارێکدا بووە لەگەڵ فەرامەرز ئەسەدی، کونسوڵی گشتیی نوێی کۆماری ئیسلامیی ئێران لە هەولێر کە ئەمڕۆ یەکشەممە ئەنجامدراوە.
