ئەمڕۆ دووەمین دیداری یەکێتی دەستپێدەکات.
ئەمڕۆ 15ی شوباتی 2025، دووەمین دیداری یەکێتیی نیشتمانیی کوردستان، بە سەرپەرشتیی قوباد تاڵەبانی، لێپرسراوی سکرتارییەتی سەرۆک مام جەلال و بە دروشمی، (بە دیدگایەکی نوێ؛ بەهێزی و بەرەوپێشچوون و خزمەتگوزاری)، ئەنجامدەدرێت.
لیژنەی باڵای دیدار بڕیاریدا دیدارەکە لە نەینەواوە دەستپێبکات و پاشان لە دەڤەری بادینان ئەنجامبدرێت.
بەپێی پەیڕەوی ناوخۆی پەسەندکراوی کۆنگرەی پێنجەمی یەکێتی، دیداری یەکێتی چالاکییەکی رەسمیی دەورییە و بەشێکە لە وێستگەکانی خەباتی فراوانی هەڤاڵانە.
یەکەم دیداری یەکێتی بەسەرپەرشتیی قوباد تاڵەبانی، لە 12ی ئازاری 2022 دەستپێکرد و لە31ی ئایاری هەمان ساڵ، کۆتایی بەکارەکانی هێنا و سیاسەتەکانی یەکێتی لە بوارە جیاجیاکاندا داڕشت و بووە بنەمایەک بۆ سیاسەتی گشتیی یەکێتی.
