بەڕێوەبەرایەتیی گشتیی پەروەردەی هەولێر بەهۆی زیانەکانی لافاوەکەی ئەمڕۆی شاری هەولێرەوە دەوامی لەسەرجەم ناوەندەکانی خوێندنی هەولێر، کۆیە و مەخموور ڕاگرت.
لەڕاگەیەندراوێکدا پەروەردەی هەولێر بڵاویکردووەتەوە، بەمەبەستی پاراستنی ژیانی قوتابیان و مامۆستایان لە هەر ئەگەرێکی نەخوازراو، بەتایبەت ئەو شوێنانەی ڕۆژی هەینی بەر شەپۆلی لافاو کەوتن کە بەداخەوە زیانی گیانی و مادیی زۆری هەبوو، بڕیاری ڕاگرتنی دەوامی خوێندنیان داوە.
بەڕێوەبەرایەتیی پەروەردەی هەولێر بڕیاریدا، ڕۆژی شەممە 18/12/2021 لەسەرجەم قوتابخانەکانی هەریەکە پەروەردەکانی (ناوەندی هەولێر، دەشتی هەولێر، دەوروبەری هەولێر، کۆیە و مەخموور) دەوامی قوتابخانەکان بوەستێنرێت.
