پۆلیسی ئەڵمانیا بڵاویکردەوە، ئەمڕۆ پێنجشەممە لە شاری میونشن کەسێک بە ئۆتۆمبێلەکەی خۆیکردووە بەناو کۆمەڵێک کەسدا و بەپێی ئامارە سەرەتاییەکان 15 کەس برینداربوون.
ئاشکراشیکرد، شۆفێری ئۆتۆمبێلەکە راستەوخۆ لە شوێنی رووداوەکە دەستگیرکراوە.
لە ئێستادا پۆلیس داوای لە هاوڵاتییانی ناوچەکە کردووە لە شوێنی رووداوەکە خۆیان بەدووربگرن و هاوکات هێزێکی زۆر بڵاوەیپێکراوە.
رووداوەکە لە کاتێکدایە، چاوەڕێدەکرێت هەر ئەمڕۆ جەی دی فانس جێگری سەرۆکی ئەمریکا و ڤۆلۆدمێر زلێنسکی سەرۆکی ئۆکرانیا بە مەبەستی بەشداریکردن لە کۆنگرەی ئاسایشی میونشن بگەنە ئەڵمانیا.
