ئەندامێكی لیژنەی دارایی لە ئەنجومەنی نوێنەرانی عێراق رایدەگەیەنێت، بۆ ئەمساڵ مووچەی مووچەخۆرانی هەرێم زامنكراوە و دەشڵێت، “بەغداد هیچ بڕە پارەیەك بۆ مووچەی مانگی 12 نانێرێت”.
د. نەرمین مەعروف، ئەندامی لیژنەی دارایی لە ئەنجومەنی نوێنەرانی عێراق لە دیدارێكی تەلەفزیۆنیدا رایگەیاند، بۆ مووچەی مانگی 12ی ساڵی رابردووی مووچەخۆرانی هەرێم بەغداد هیچ بڕە پارەیەك نانێرێت و هەرێم دەتوانێت لە داهاتی ناوخۆ یاخود وەك قەرز بڕێك پارە لە بەغداد وەربگرێت.
وتیشی، “بەپێی ئەو رێككەوتنەی كراوە مووچەی ئەمساڵی مووچەخۆرانی هەرێمی كوردستان زامنكراوە و چاوەڕواندەكرێت لە چەند رۆژی داهاتوودا هەناردەی نەوتی هەرێم دەستپێبدەكاتەوە “.
