ماوەی سێ رۆژە گەڕان بۆ دۆزینەوەی تەرمی ئەو مامۆستایە بەردەوامە كە رۆژی هەینی لە كاتی مەلەكردندا خنكا.
زیاتر لە 30 گەنجی خۆبەخشی مەلەوان لە گۆپتەپە لە گەڕان بەردەوامن بۆ دۆزینەوەی تەرمی مامۆستا (ئارام محەمەد) كە رۆژی هەینی لەكاتی مەلەكردندا خنكا.
قوربانییەكە تەمەنی 28 ساڵە و مامۆستای خۆبەخش بووە لە سنووری قەزای پێنجوێن. رۆژی هەینی لە ئاوی گوندی بۆگد لە سنوری قەزای کۆیە خنکا و هێشتا تەرمەکەی نەدۆزراوەتەوە.
