بەڕێوەبەرایەتیی كەشناسیی هەرێم رایدەگەیەنێت، سبەی ئەگەری بەفر و باران لە چەند ناوچەیەك هەیە.
بەڕێوەبەرایەتیی كەشناسیی هەرێم لە راگەیەندراوێكیدا دەڵێت،”پێشبینیدەكرێت سبەی شەپۆلێكی كورتخایەنی بارانبارین لە كاتەكانی بەرەبەیان لە باكووری رۆژئاوای هەرێمەوە بەرەو بەشێك لە ناوچەكانی دەشتی هەولێر، كەركوك، خورماتوو و بەشێك لە ناوچەكانی گەرمیان بگرێتەوە”.
ئاماژە بۆ ئەوەش كراوە، لە كاتەكانی ئێوارەشدا ناوچەكانی سلێمانی و هەڵەبجەش دەگرێتەوە و ئەگەر هەیە لە هەندێك ناوچە تێكەڵەی بەفر و باران بێت بە تایبەت لە شاری سلێمانی و بەشێك لە ناوچە شاخاوییەكانی باكووری رۆژهەڵاتی هەرێم.
