ئاراس جەبار، شارەزای كەشناسی رایگەیاند، پێشبینیدەكرێت ئەمشەو و تا بەرەبەیانی سبەی هەینی كاریگەری ئەم شەپۆلە لەسەر ناوچەكانمان بەردەوامدەبێت و بارانبارین بەردەوامبێت.
وتیشی، “سبەی لە كاتەكانی بەیانییەوە كاریگەریيەكانی كۆتایی دێت و كەشوهەوا سەقامگیر دەبێت و ئاسمانیش دەگۆڕێت بۆ ساماڵ و پەڵەهەور و هەندێك كات نیمچەهەور دەبێت”.
باسی لەوەشكردووە، لە سبەینێ هەینییەوە تاوەكو ناوەڕاستی هەفتەی داهاتوو ناوچەكانمان دەكەوێتەوە ژێر كاریگەریی دوو بارستە هەوای سارد ئەمجارەیان بەشێوەی وشكە سەرما و نزمبوونەوەی زیاتری پلەی گەرمی كاریگەری دەبێت.
ئاماژەی بۆ ئەوەش كرد، پێشبینیدەكرێت هەفتەی داهاتوو جارێكی دیكە شەپۆلێكی بەفر و باران ناوچەكانی هەرێمی كوردستان بگرێتەوە.
