وەزارەتی خوێندنی باڵا و توێژینەوەی زانستیی حکومەتی هەرێم رایدەگەیەنێت، لە زانکۆ و دامەزراوەکانى ئەو وەزارەتە، هەزار و 623 مامۆستا و فەرمانبەر، خانەنشینی دەیانگرێتەوە.
وەزارەتەکە لە راگەیەندراوێکدا بڵاویکردووەتەوە، ئەمڕۆ سێشەممە، بە ئامادەبوونى ئارام محەمەد قادر، وەزیرى خوێندنى باڵا، بریکارى وەزارەت، راوێژکاران و بەڕێوەبەرانى گشتى، لە ڕێورەسمێکدا 29 فەرمانبەر و مامۆستا لە دیوانى وەزارەتەکە خانەنشین بوون و لەلایەن وەزیرەوە، بڕوانامەى ڕێزلێنانیان پێبەخشرا.
حكومەتی هەرێم بڕیاریدا تەمەنی خانەنشینی لە 63 ساڵییەوە كەمبكاتەوە بۆ 60 ساڵی كە ئەمەش وادەكات ژمارەیەكی زۆر لە فەرمانبەران و مامۆستایان لە دەزگا و دامەزراوە و ناوەندە حكومییەكان خانەنشین بكرێن.
