لە رووداوێکی هاتوچۆدا لە شاری تکریتی سەر بە پارێزگای سەڵاحەدین رووداوێکی هاتوچۆ روویدا و حەوت ئەندامی یەک خێزان گیانیان لەدەستدا.
میدیاکانی عێراق بڵاویانکردەوە، رووداوەکە درەنگانی شەوی رابردوو روویداوە، کاتێک ئۆتۆمبێلێک کۆنتڕۆڵی خۆی لەدەستداوە و خۆی کێشاوە بە ئۆتۆمبێلێکی دیکەدا.
لە رووداوەکەدا حەوت کەس گیانیان لەدەستداوە و دووانی دیکەش برینداربوون کە سەرجەمیان ئەندامی یەک خێزان بوون.
