یاریدەدەری سەرۆکی زانکۆی سلێمانی کاتی دابەشکردنی دەرماڵەی مانگی پێنجی خوێندکارانی ڕاگەیاند و ئاشکراشیکرد، لە ماوەیەکی نزیکدا مانگی شەشیش دابەشدەکەن.
پێشڕەو حەمەجان یاریدەدەری سەرۆکی زانکۆی سلێمانی ڕایگەیاند، لە هەفتەی داهاتوودا دەرماڵەی خوێندکاران دابەشدەکرێت و لە ماوەیەکی نزیکیشدا دەرماڵەی مانگی شەش دابەشدەکەن.
ئاماژەی بەوەشکردووە، کە داواکارییان پێشکەشکردووە بۆ دابەشکردنی دەرماڵەی خوێندکاران بۆ ساڵی خوێندنی 2022 – 2023.
لە سلێمانی چەند مانگێکە دابەشکردنی دەرماڵەی خوێندکاران لەسەر بڕیاری بافڵ جەلال تاڵەبانی سەرۆکی یەکێتیی نیشتمانیی کوردستان بەردەوامە، بەڵام خوێندکارانی زانکۆکانی هەولێر چەند جارێک بەهۆی دابەشنەکردنی دەرماڵەکانیان گردبوونەوەیان ئەنجامداوە و داوادەکەن هاوشێوەی زانکۆی سلێمانیی لێبکرێت.
