موعین کازمی ئەندامی لیژنەی دارایی لە ئەنجومەنی نوێنەرانی عێراق رایگەیاند، هیچ زانیارییەکمان لەبارەی خشتەی بودجەوە نییە و چاوەڕێن لە ئەنجومەنی وەزیرانەوە بۆیان رەوانەبکرێت.
موعین کازمی رایگەیاند. لەدوای تێپەڕاندنی هەمواری یاسای بودجە، چاوەڕێدەکەین خشتەکانی بودجەمان لە ئەنجومەنی وەزیرانەوە بۆ رەوانەبکرێت و دەنگی لەسەربدەین.
وتیشی، تا ئێستا نازانین ناوەڕۆکی خشتەی بودجەکە چییە، بەڵام جەختدەکەینەوە کە بە زوویی رەوانەبکرێت و لەدوای ئەوەی ئێمەش پێداچوونەوەی پێدادەکەین بە زوویی پەسەندبکرێت.
شەوی رابردوو ئەنجومەنی نوێنەران بە زۆرینەی دەنگ هەمواری یاسای بودجەی پەسەندکرد.
