دەستەی داكۆكی لە مامۆستایان و فەرمانبەران هەڵوێستێكی نوێ رادەگەیەنن و دەڵێن، “تاوەكو مووچە تەوتین دەكرێت لە بایكۆت بەردەوامدەبین”.
لە كۆنفرانسێكی رۆژنامەوانیدا لەبەردەم خێمەی مانگرتووان دەستەی داكۆكی لە مامۆستایان و فەرمانبەران رایانگەیاند، جەخت لە تەوتینكردنی مووچە لە رێگای بانكە فیدراڵییەكانی عێراق دەكەینەوە و پێویستە پلەبەرزكردنەوە دەستپێبكاتەوە و هەمووان سووربین لەسەر ئەوەی بە ئامانجی تەوتینكردنی مووچە بگەین.
دەستەی داكۆكی لە مامۆستایان و فەرمانبەران جەختیانكردەوە كە تاوەكو مووچە تەوتین دەكرێت لە بایكۆت بەردەوامدەبن و خۆپیشاندانیش لەبەردەم پەروەردەكاندا ئەنجامدەدەن.
