نوێنەری گشتیی مامۆستایانی گرێبەست، رایگەیاند، “سبەینێ لە هەولێر و دهۆک بۆ داواکردنی مووچەی مووچەخۆران خۆپیشاندان دەکەین”.
عەلی رەئوف، نوێنەری گشتیی مامۆستایانی گرێبەست، رایگەیاند، “سبەینێ یەکشەممە 2ی شوباتی 2025 لە بەردەم ئەنجومەنی وەزیران لە هەولێر و لە دهۆکیش لەبەردەم پەروەردەی گشتی خۆپیشاندان دەکەین”.
دەشڵێت، “داوای مافی سەرجەم مووچەخۆران دەکەین کە ئێستا لە مانگی دوو داین، بەڵام مووچەی مانگی 12ی ساڵی رابردوو لەگەڵ مووچەی مانگی 1 دابەشنەکراوە و مووچەی مانگی حەوت و هەشتی مامۆستایانی گرێبەست دابەشنەکراوە”.
