قائیمقامی قەزای پێنجوێن رایدەگەیەنێت، ئەو پیاوەی تۆمەتباربوو بە کوشتنی هاوسەرەکەی، لەلایەن هێزە ئەمنییەکانی ئێرانەوە دەستبەسەرکرا.
هێمن ئیبراهیم، قائیمقامی قەزای پێنجوێن بە تۆڕی میدیایی ئێستای راگەیاند، “ئەو ژن و پیاوە خەڵکی رۆژهەڵاتی کوردستانن و ناسنامەیان ئێرانییە، بەڵام لە پێنجوێن نیشتەجێ بوون؛ پاش رووداوی کوشتنەکە، راستەوخۆ پەڕاوی لێکۆڵینەوەی بۆ کرایەوە”.
وتیشی، پاش ئەوەی تۆمەتبارەکە بۆ ئێران هەڵات، لەلایەن دادوەری لێکۆڵینەوە و پۆلیسی سلێمانییەوە داواکراوە و ئێستا لە ئێران دەستبەسەرە.
هێمن ئیبراهیم باسیلەوەشکرد، راستەوخۆ پاش ئاشکرابوونی تاوانەکە، تۆمەتبارەکە لە ئێران دەستبەسەرکراوە و لێکۆڵینەوە لەگەڵیدا دەستیپێکردووە.
