دەستەی کەشناسیی عێراق رایگەیاند، لە رۆژی چوارشەممەوە شەپۆلێکی بارانبارین هەرێمی کوردستان دەگرێتەوە و لە ناوچە شاخاوییەکانیش بەفر دەبارێت.
لە راگەیەندراوێکی دەستەی کەشناسی و بومەلەرزەزانیی عێراق هاتووە، رۆژی یەکشەممە ئاسمان ساماڵ دەبێت، بۆ رۆژی دووشەممە لە زۆرینەی ناوچەکانی عێراق ئاسمان بۆ نیمچە هەور دەگۆڕێت و پلەکانی گەرما نزمبوونەوەیەکی کەم بەخۆیانەوە دەبینن.
ئاشکراشیکرد، رۆژی سێشەممە ئاسمان بۆ هەوری تەواو دەگۆڕێت و پلەی گەرما زیاتر دادەبەزێت، بۆ رۆژی چوارشەممە لە ناوچەکانی هەرێم بارانبارین دەستپێدەکات و لە ناوچە شاخاوییەکانیش بەفردەبارێت، لە ناوچەکانی هەرێم، لە ناوچەکانی ناوەڕاست و باشووری عێراق ئاسمان نیمچە هەور دەبێت.
