بەرەبەیانی ئەمڕۆ لەناو شاری رانیە رووداوێکی تەقەکردن روویدا و بەهۆیەوە کەسێک کوژرا و سیانی دیکەش برینداربوو.
سەرچاوەیەکی ئاگادار بە تۆڕی میدیایی ئێستای راگەیاند، بەرەبەیانی ئەمڕۆ لە دەوروبەری کاتژمێر 1:00 رووداوێکی تەقەکردن لەنزیک مارکێتی ئەپڵ لەناو شاری رانیە روویداوە بەهۆیەوە چوار کەس برینداربوون و یەکێک لە بریندارەکان بەهۆی سەختی برینەکەیەوە گیانیلەدەستداوە.
ئاماژەی بەوەشکرد، تا ئێستا هۆکاری رووداوەکە بە تەواوی نەزاندراوە، لێکۆڵینەوەکە لە رووداوەکە دەستیپێکردووە، بەڵام هێندەی ئاشکرابووە، قوربانییەکان لەناو خۆیاندا بووەتە شەڕیان و ئەو رووداوەی لێکەوتووەتەوە.
جەختیشیکردەوە، دوای باشتربوونی دۆخی بریندارەکان وتەیان وەردەگیرێت و دادوەر بڕیار لەبارەی دۆسیەکەوە دەدات.
