ئەندامێكی دەستەی داكۆكی لە مامۆستایان و فەرمانبەران جەخت لە تەوتینكردنی مووچە لە رێگای بانكەكانی رەشید و رافیدەین دەكاتەوە و دەڵێت، ” نابێت مووچەی مانگی 12 بفەوتێت”.
نەجمەدین محەمەد، ئەندامی دەستەی داكۆكی لە مامۆستایان و فەرمانبەران لە لێدوانێكدا بە تۆڕی میدیایی ئێستای راگەیاند، جەخت لە هەڵوێستی پێشتر دەكەینەوە كە پێویستە تەوتینی مووچە لە رێگای بانكەكانی رەشید و رافیدەینەوە بێت و مامۆستایان داوای مووچەی مانگی 12ی ساڵی رابردوو دەكەن و پێویستە چارەنووسی مووچەی مانگی 1ی ئەمساڵ یەكلابكرێتەوە.
ئەندامەكەی دەستەی داكۆكی لە مامۆستایان و فەرمانبەران جەختیكردەوە و وتیشی، “نابێت مووچەی مانگی 12ی ساڵی رابردوو بفەوتێت و مامۆستایان كە مووچەیان پێنەدرێت ناتوانن خەرجیی رۆژانەیان دابینبكەن”.
