دوای سێ رۆژ لە دەستگیرکردنیان لەسەر سکاڵای فیرقەی 19 ی سوپای عێراق دوو جوتیارەکەی گوندی تۆپزاوا ئازادکران.
ئەمڕۆ چوارشەممە بە هەوڵی تیمی یاسایی مەکتەبی سیاسیی یەکێتیی نیشتمانیی کوردستان هەریەکە لە ساتع ناسیح نوێنەری جوتیارانی گوندی تۆپزاوە و سۆران نازم دانیشتووی گوندەکە لەباشووری پارێزگای کەرکوک ئازادکران.
ئەو دوو دانیشتووەی گوندی تۆپزاوا لەسەر سکاڵای فیرقەی 11 ی سوپای عێراقی لەلایەن بنکەی پۆلیسی ناحیەی یایچیەوە بانگهێشتکراون لەدوای چوونیان بۆ بنکەکە لەلایەن پۆلیسی بنکەکەوە دەستبەسەر کراون.
هەرچەندە دوێنێ سێشەممە بڕیاربوو ئازادبکرێن، بەڵام داواکەیان رەتکرایەوە و بۆ ئەمڕۆ دواخرا.
