تەندروستیی سلێمانی رایدەگەیەنێت، “مانگی رابردوو 570 چارەخواز لە سەنتەری حەساسیەت و رەبۆ بینراون و چارەسەرکراون”.
بەڕێوەبەرایەتیی گشتیی تەندروستیی سلێمانی لە راگەیەندراوێکدا بڵاویکردەوە، مانگی رابردوو لە شاری سلێمانی 570 نەخۆش بۆ وەرگرتنی چارەسەر سەردانی سەنتەری حەساسیەت و رەبۆیان كردووە.
باس لەوەش دەکات، لەو ژمارەیە، 298 یان نەخۆشیی كۆئەندامی هەناسەیان هەبووە و 272 یان نەخۆشیی پێست و هەستیارییان هەبووە،270 یان نێر و 300 یان مێ بوون.
بەپێی ئاماری تەندروستیی سلێمانی، هەر لەو ماوەیەدا و لە هەمان سەنتەر 152 حاڵەتی رەبۆ و 8 ئەنفلۆنزا و 25 حاڵەتی نەخۆشیی لوت و هەوكردنی گیرفانەكانی لوت و 102 حاڵەتی نەخۆشییەكانی كۆئەندامی هەناسەدان، هەروەها 130 حاڵەتی هەوكردنی پێست و ئەكزیما و 140 حاڵەتی نەخۆشییەكانی پێست تۆماركراون.
