سەرۆكی یەكێتی پیرۆزبایی رۆژی دادی عێراق دەكات و رۆڵی سەرۆكی دەسەڵاتی دادوەری لە پتەوكردنی دەسەڵاتی دادوەری و پاراستنی مافەكان بەرزدەنرخێنێت.
بافڵ جەلال تاڵەبانی، سەرۆكی یەكێتیی نیشتمانیی كوردستان لە پەیامێكدا رایگەیاند، لە رۆژی دادی عێراق، بەوپەڕی پێزانینەوە گەرمترین پیرۆزبایی ئاراستەی دەسەڵاتی دادوەری و سەرجەم دامەزراوەكانی دەكەین، كە لە چەسپاندنی یاسا و دادپەروەریدا بوونەتە كۆڵەكەیەكی سەرەكی.
بافڵ جەلال تاڵەبانی پیرۆزبایی لە فایەق زێدان سەرۆكی دەسەڵاتی دادوەری-ش دەكات و تیایدا هاتووە، رۆڵی بەردەوامی لە پتەوكردنی دەسەڵاتی دادوەری لەپێناو خزمەتكردنی گەل و وڵات و پاراستنی سەقامگیری لە عێراق و پاراستنی مافەكان بەرزدەنرخێنین.
دووپاتیشیدەكاتەوە، “لەم رۆژەدا بە شانازییەوە لەو دەسەڵاتە سەنگینە دەڕوانین لە پێشكەشكردنی رۆڵێكی نیشتمانیی و پیشەیی”.
