پسپۆڕێكی بواری دارایی و ئابوریی هەرێم رایدەگەیەنێت، هەژماری من هۆكاری سەرەكییە بۆ دواكەوتنی ناردنی مووچەی مووچەخۆرانی هەرێم لە بەغداوە.
د. لاڤە ئاراس پسپۆڕی بواری دارایی و ئابوری بە میدیای رەسمیی یەكێتی راگەیاندووە، “بەبانكیكردنی مووچە لە بانكە فیدراڵییەكانی عێراقەوە باشترە لە هەژماری من و بە بانكیكردنی مووچە لە رێگای بانكە فیدراڵییەكانی عێراقەوە زامنی مووچەی مووچەخۆرانی هەرێم دەكات.
وتیشی، “پسپۆڕانی بواری ئابوری و دارایی لەگەڵ پڕۆژەی هەژماری مندا نین، چونكە هەندێك كۆت و بەندی بۆ مووچەخۆر داناوە كە نایاسایین و مووچەخۆر پابەنددەكات بە هەندێك رێكارەوە كە بە خواستی خۆی نییە، هاوكات هەژماری من پێچەوانەی بڕیارەكەی دادگای فیدراڵییە و ئەمەش هۆكارێكی سەرەكی بووە بۆ دواكەوتنی ناردنی مووچە لە بەغداوە”.
