هاتوچۆی سلێمانی، رایدەگەیەنێت، “شەقامەکان موڵکی گشتیین و نابێت بۆ بەرژەوەندیی تاکەکەسی بەکاربهێنرێن”.
بەڕێوەبەرایەتیی هاتوچۆی سلێمانی لە راگەیەندراوێکدا بڵاویکردەوە، سەرجەم فرۆشگا، مارکێت، دەرمانخانە و هەموو ئەو لایەنانەی کە قووچەکی فسفۆڕی یان هەر هێمایەکی دیکە لە شەقامەکانی بەردەم شوێنی کارەکانیان دادەنێن بەمەبەستی تایبەتکردنی ئەو شوێنانە بۆخۆیان ئاگاداریان دەکەین کە شەقامەکان موڵکی گشتیین و نابێت بۆ بەرژەوەندیی تاکەکەسی بەکاربهێنرێن و کارێکی نایاساییە.
دەشڵێت، بۆ ئەم مەبەستە لە سبەینێ سێشەممەوە بە هەماهەنگی لەگەڵ بەشی زیادەڕەویی سەرۆکایەتیی شارەوانیی سلێمانی لێپێچینەوە لەو لایەنانە دەستپێدەکات.
