وەزارەتی کشتوکاڵ و سەرچاوەکانی ئاو بڕیاریدا بە راگرتنی هاوردەکردنی تەماتەی دەرەوە بۆ هەرێم لەپێناو ساغبوونەوەی بەرهەمی ناوخۆیی.
بێگەرد تاڵەبانی وەزیری کشتوکاڵ و سەرچاوەکانی ئاوی هەرێمی کوردستان، دوای ئەنجامدانی کۆبوونەوەیەک لەگەڵ جوتیارانی بەسڕە و پێنجوێن، لە کۆنگەرەیەکی رۆژنامەوانیدا رایگەیاند، لەپێناو بەرژەوەندی جوتیاران بڕیارماندا بە راگرتنی هاوردەکردنی تەماتە بۆ ناوخۆی هەرێمی کوردستان.
وتیشی، “وەک وەزارەتی کشتوکاڵی هەرێم پاڵپشتی داواکاریی جوتیاران دەکەین و داوا لە وەزارەتی کشتوکاڵی عێراقیش دەکەین هاوکارمان بن و لە کاتی پێگەیشتنی بەرهەمە ناوخۆییەکاندا هاوردەکردنی بەرهەمی دەرەوە رابگرێت”.
دەشڵێت، بڕیاری راگرتنی هاوردەکردنی تەماتە لەپێناو ساغبوونەوەی بەرهەمەی جوتیارانی ناوخۆدایە.
