بەمەبەستی یەکلاکردنەوەی چارەنووسی منداڵە ونبووەکانی هەڵەبجە ئەمڕۆ وەفدێکی هەرێم دەگاتە بەغداد.
وەزارەتی کاروباری شەهیدان و ئەنفالکراوان بڵاویکردەوە، ئەمڕۆ وەفدێکی حکومەتی هەرێمی کوردستان بە سەرۆکایەتی وەزیری کاروباری شەهیدان و ئەنفالکراوان و سەرۆکی بۆردی تایبەت بە یەکلایکردنەوەی چارەنووسی منداڵە ونبووەکانی هەڵەبجە سەردانی بەغداد دەکات.
ئاشکراشیکرد، بڕیارە ئەمڕۆ و سبەینێ وەفدەکە لەگەڵ لایەنە پەیوەندیدارەکانی حکومەتی عێراق کۆببێتەوە بە هەماهەنگی لایەنە پەیوەندیدارەکان بە مەبەستی بەدواداچوون بۆ دۆسیەی چارەنووسی منداڵە ونبووەکانی هەڵەبجە چەند کۆبوونەوەیەک ئەنجامبدەن.
