بەڕێوەبەرایەتیی هاتوچۆی سلێمانی، هۆشداری دەدات بە شۆفێران لە كاتی بارانباریندا روو لەو ناوچانە نەكەن كە ئەگەری روودانی لافاویان هەیە.
لە ئاگادارینامەیەكدا كە ئەمڕۆ سێشەممە بڵاویكردەوە، بەڕێوەبەرایەتیی هاتوچۆی سلێمانی جەختدەكاتەوە كە ئامادەکاریی تەواویان کردووە لە پێناو پاراستنی سەروماڵی هاوڵاتییان و شۆفێران و سەرجەم مەفرەزە و ئالییەتەکانی بەڕێوەبەرایەتیی هاتوچۆی سلێمانی، لە حاڵەتی ئامادەباشیدان بۆ هەر ئەرکێک کە لە کاتی پێویستدا پێیان بسپێردرێت.
راشیگەیاندووە، “لە رووانگەی پەرۆشیمان بۆ سەلامەتیی هاوڵاتییان، ئاگاداری سەرجەم شۆفێران دەکەین بە هاتنی ئەو شەپۆلە لە بارانبارین پابەندی رێنماییە سەلامەتییەکانی هاتوچۆ بن و نەچنە ئەو جێگایانەی ئەگەری کۆبوونەوەی باراناویان تێدا دەبێت و بە هیچ جۆرێک خۆیان نەخەنە دۆخێکی مەترسیدارەوە”.
