پێشکەشکاری دیاری کەناڵی العەرەبییە، لە شاری حەسەکەی رۆژئاوای کوردستانەوە بە سێڵفییەک لەگەڵ جەنەڕاڵ مەزڵوم عەبدی دەرکەوت و رایگەیاند، فەرماندەی گشتیی هێزەکانی سوریای دیموکرات پێی وتووە، بەهۆی نەبوونی پاسپۆرتەوە بەشداریی رێورەسمی سوێندخواردنی ترەمپ ناکات.
ریم بوقمەرە، پێشکەشکاری دیاری کەناڵی ئەلعەرەبییە کە لەماوەی چەند رۆژی رابردوودا بووەتە ترێندی سۆشیاڵ میدیا و فیگەرێکی دیارە بەهۆی کارەکەی و پشتگیریکردنی لە جەنەڕاڵ مەزڵوم عەبدی بەرامبەر قسەی چەند کەسایەتییەک کە بەشدارییان لە بەرنامەکانیدا کە هێرشیان دەکردە سەری، سێڵفییەکی خۆی و مەزڵوم عەبدی بڵاوکردەوە و دەڵێت، “مەزڵوم عەبدی پێی وتم ئەمە یەکەم سێڵفیی ژیانمە”
عەبدی بە پێشکەشکارەکەی العەرەبییەی وتووە، بەشداری نەکردنی لە رێورەسمی سوێندخواردنی ترەمپ بەهۆی نەبوونی پاسپۆرتەوەیە نەوەک هۆکاری ئەمنی.
پێشکەشکارەکەی ئەلعەرەبییە باسی لەوەشکردووە، بەرنامەیەکی تەلەفزیۆنی لەگەڵ جەنەڕاڵ مەزڵوم عەبدی ئەنجامداوە و لە چەند رۆژی داهاتوودا بڵاودەکێتەوە و چەندین پرسی گرنگی باس کردووە.
