وێنە.. لە ڕووداوێکی هاتوچۆدا سێ کەس گیانیان لە دەستدا

وتەبێژی بەڕێوەبەرایەتی هاتوچۆی هەولێر ڕایگەیاند، بەهۆی سەرکەشیی شۆفێرێکەوە، ئۆتۆمبیلەکەی لە کۆنترۆڵ دەرچووە و خۆی کێشاوە بە ئۆتۆمبیلێکی دیکەدا، لەو ڕووداوەشدا سێ کەس گیانیان لە دەستداوە.

فازڵ حاجی، وتەبێژی هاتوچۆی هەولێر ڕایگەیاند، ” بەیانی ئەمڕۆ کاتژمێر 12:50 خولەک، ئۆتۆمبیلێکی جۆری هیۆندای سانتافی بەهۆی پێشبڕکێکردنەوە بە خێراییەکی یەکجار زۆر کۆنتڕۆڵی لەدەستداوە و خۆی کێشاوە بە ئۆتۆمبیلێکی جۆری نیسان سەنیدا، بەداخەوە لە دەرەنجامی ڕوداوەکە ماڵوێرانییەک کەوتەوە کەتیایدا سێ کەس گیانیان لە دەستداوە”.

بە وتەی وتەبێژی هاتوچۆی هەولێر، لەکاتی لێکۆلینەوە بەپێی بەڵگە سەرەتاییە دەستکەوتوەکان، بەڕێژەی لە 100% شۆفێری هۆنداکە بەلایەنی خەتابار ئەژمار کراوە،چونکە ئەو بەهۆی تیژڕۆیی چۆتە سایدی بەرامبەر و خۆی بە ئۆتۆمبیلێکی دیکەدا کێشاوە.

فازڵ حاجی ڕاشیگەیاندووە، لە شوێنی ڕووداوەکە دورگەی ناوەندی شەقام ئەوەندە بەرزە بەهۆی کەتەنانەت بارهەڵگری گەورەش زۆر بەزەحمەت بەسەری دەکەوێت ئەگەر خێراییەکەی کەم بێت.

بابەتی پێشتر

گەنجێک بە تەقەی خۆشی خۆی کوشت

بابەتی دواتر

ناوچەی سەوز داخرا

بابەتی پەیوەندیدار