ئەنجومەنی وەزیرانی هەرێم کۆبوونەوەی ئاسایی خۆی ئەنجامدەدات و لە بەشێکیدا پرسی دەرچووانی کۆلیژی پزیشکیی گشتیی زانکۆ حکومییەکان بۆ ساڵی خوێندنی 2024 تاووتوێدەکات.
ئەمڕۆ چوارشەممە ئەنجومەنی وەزیرانی هەرێم کۆبوونەوەی ئاسایی هەفتانەی خۆی ئەنجامدەدات و لە بڕگەی یەکەمدا لەلایەن وەزیری ناوخۆوە پێشنیاری درێژکردنەوەی داشکاندنی 20% ی سزاکانی هاتوچۆ بۆ شەش مانگی دیکە دەخرێتەڕوو.
بڕیارە لە بڕگەی دووەمی کۆبوونەوەکەدا کێشەی ئەو فەرمانبەرانەی لەسەر میلاکی دامەزراوەکانی حکومەتی هەرێم بەشێوەی هەمیشەیی و گرێبەست دامەزراون، بەڵام لە 1 ی تەمموزی 2024 ەوە لەلایەن وەزارەتی دارایی هەرێمەوە مووچەیان بۆ نەبەستراوە، بەهۆی جێگیرکردنی میلاکی مانگی تەممووز، لەلایەن وەزارەتی دارایی فیدراڵەوە دەخرێتەروو.
لە بڕگەی سێیەم و کۆتایی کۆبوونەوەکەی ئەنجومەنی وەزیران پرسی دەرچووانی کۆلیژی پزیشکیی گشتیی زانکۆ حکوومییەکان بۆ ساڵی 2024 لەلایەن وەزیری تەندروستییەوە دەخرێتەڕوو.
