وەزارەتی کارەبای هەرێم بڵاویکردەوە، لە کاتژمێر 8ی بەیانیی ئەمڕۆوە پەستانی غاز بۆ وێستگەکانی غازی بەرهەمهێنانی کارەبا ئاسایی بووەوە.
دەشڵێت، کۆمپانیای دانەغاز چاکسازییەکانی لە کێڵگەی کۆرمۆر تەواوکرد و ئاستی بەرهەمهێنانی کارەبا ئاسایی بووەوە و ئێستا سێ هەزار و 750 مێگاوات کارەبا بەرهەمدێت.
شەوی رابردوو، وەزارەتەکە رایگەیاند، هاوبەشانی کارەبا ئاگاداردەكەینەوە لە چوارچێوەی پەرەپێدانی كێڵگەی كۆرمۆر بۆ بەرهەمهێنانی غاز، بۆ ماوەی 10 كاتژمێر پەستانی غاز كەمبووەتەوە و بەهۆیەوە 750 مێگاوات كارەبا كەمبووەتەوە.
وتیشی، “تیمەكانی كۆنترۆڵی كارەبا بە هەماهەنگی لەگەڵ تیمەكانی بەرهەمهێنانی كارەبا بڕی 250 مێگاوات كارەبایان لە هەردوو وێستگەی دوکان و دەربەندیخان زیادكردووە”.
