بڕیارە هەفتەی داهاتوو چەندین سەرکردەی جیهان و ناوچەکە و یەکێتیی ئەوروپا بگەنە عێراق و چەندین کۆبوونەوەی گرنگ ئەنجامبدەن.
میدیاکانی عێراق لە زاری چەند سەرچاوەیەکی باڵاوە بڵاویانکردووەتەوە، لە هەفتەی داهاتوودا هەریەکە وەزیرانی دەرەوەی ئیتاڵیا و فەرەنسا و بەشێکی دیکە لە وڵاتانی ناو یەکێتیی ئەوروپا و وڵاتانی کەنداو و وڵاتانی ناوچەکە دەگەنە شاری بەغداد.
ئاشکراشیکرد، سەردانەکە وەک ئامادەکارییەکە بۆ کۆنگرەی گفتوگۆی بەغداد کە بڕیارە مانگی داهاتوو بەڕێوەبچێت، هاوکات بۆ گفتوگۆکردنە لەبارەی دۆخی سوریای نوێ.
