وەزارەتی کشتوکاڵی عێراق رایگەیاند هەماهەنگییان لەگەڵ هێزە ئەمنییەکان هەیە بۆ بەرەنگاربوونەوەی قاچاخچێتی ئەو بەرهەمانەی کە هاوردەکردنیان قەدەغەکراوە و ژمارەیان 42 بەرهەمە.
مەهدی سەحەر، بریکاری وەزارەتی کشتوکاڵ رایگەیاند، نزیکەی 42 بەرهەمی کشتوکاڵی لە لیستی قەدەغەکراوەکاندا بۆ هاوردەکردن، ئەوەش بەمەبەستی پاراستنی بەرهەمی نیشتمانی و دابینکردنیان بە نرخێکی گونجاو بۆ هاوڵاتییان.
باسی لەوەشکرد، دەستەی دەروازە سنوورییەکان و دەزگای ئاسایشی نیشتمانیی عێراق – بەڕێوەبەرایەتیی ئاسایشی ئابوری، بەدواداچوونی بەردەوام دەکەن بۆ رێگریکردن لە قاچاخکردنی هەر بەرهەمێکی کشتوکاڵی بۆ ناو عێراق.
دووپاتیشیکردەوە، زۆربەی ئەو بەرهەمانەی کە بە قاچاخ دەهێنرێنە عێراقەوە جێی متمانە نین و شیاوی خواردنی مرۆڤ نین و مەترسی تەندروستی بۆ هاوڵاتییان دروستدەکەن.
