لەسەر رێگای کەلار-خانەقین نزیک خاڵی پشکنینی هێزەکانی ئاسایش بەهۆی رووداوێکی هاتوچۆوە کەسێک برینداربوو.
بەڕێوەبەرایەتیی هاتوچۆی گەرمیان لە راگەیەندراوێکدا بڵاویکردەوە، ئەمشەو لەسەر رێگای کەلار-خانەقین نزیک خاڵی پشکنینی هێزەکانی ئاسایش ئۆتۆمبێلێکی بارهەڵگر لەجۆری ڤاڵڤۆ تەنکەر لەگەڵ ماتۆڕسکیلێکی دووتایە پێکیاندادا کە بە ئاراستەی کەلار رۆیشتوون.
دەشڵێت، “بەهۆی رووداوەکەوە لێخوڕی ماتۆڕسکیلەکە برینداربوو کە لەدایکبووی ساڵی 2005ەو، لێکۆڵینەوە لە رووداوەکە لەلایەن تیمی هاتوچۆوە بە مەبەستی زانینی هۆکاری رووداوەکە دەستیپێکردووە”.
