زیاتر لە سێ هەزار گەشتی ئاسمانی هەڵوەشێندرانەوە و هەزارانی دیكە دواكەوتن بەهۆی ئەو شەپۆلە زستانییەی باشووری ویلایەتە یەكگرتووەكانی ئەمریكای گرتووەتەوە، وەك ئەوەی كۆمپانیاكانی فڕۆكەوانی و سایتی فلایت ئەیر بڵاویانكردووەتەوە.
كۆمپانیای دەلتا ئێرلاینز لە راگەیەندراوێكدا بڵاویكردەوە، تیمەكانیان خوازیاری گەڕانەوەن بۆ گەشتەكان لە ئەمڕۆ شەممەدا.
روونیشیكردەوە، كەشوهەوای زستانە دژوارتر بووە لەوەی پێشبینی دەكرا و، لە فڕۆكەخانەی هارتسفیلد- جاكسۆن ئەتڵانتای نێودەوڵەتی لە جۆرجیا بووەتە هۆی داخستنی هەر پێنج دەروازەكەی بۆ ماوەی زیاتر لە دوو كاتژمێر.
دەلتا رۆژی هەینی نزیكەی هەزار و 100 گەشتی ئاسمانی لەڕێی تۆڕەكانیەوە هەڵوەشاندەوە، بەهۆی بارینی تەرزەوە.
هەروەك یەكێك لە فڕۆكەكانی هێڵەكە ناچاربوو گەشتكردنی لە فڕۆكەخانەی ئەتلانتا رابگرێت بەهۆی بوونی گرفت لە بزوێنەرەكەیدا.
