ڕەنگی ئەو چوار ویلایەتەی کە ماوە دەنگەکانی جیابکرێتەوە لە نێوان شین و سوردایە، کە ئەگەر شین بێت ئەوە کاندیدی دیموکراتەکان جۆبایدن تێیدا سەردەکەوێت و ئەگەر سور بێت دۆناڵد ترەمپی کاندیدی کۆمارییەکان سەرکەوتن بە دەستدەهێنێت.
ئێستا پێنج ویلایەت ماون کە دەنگەکانیان جیابکرێتەوە کە ئەوانیش، ئالاسکا و نیڤادا و جۆرجیا و کارۆلینای باکور و پێنسلڤانیایە.
لە ویلایەتی نیڤادا لە ٪84ی دەنگەکان جیاکراوەتەوە و جۆبایدنی دیموکراتەکان لەپێشە بە جیاوازی زیاتر لە هەزار دەنگ، بۆیە ڕەنگی ویلایەتەکە نیمچە شینە.
ناوچەی ڕکابەری قورس لە ویلایەتی جۆرجیایە کە ئەمڕۆ دوو جار کاندیدی کۆمارییەکان و دیموکراتەکان پێشی یەک کەوتوون، بۆیە ڕەنگی ویلایەتەکە لە نێوان شین و سوردا یاری دەکات.
لە ویلایەتەکانی پێنسیلڤانیا و کارۆلینای باکور زیاتر لە ٪90ی دەنگەکان جیاکراوەتەوە و لە هەردوو ویلایەتەکە دۆناڵد ترەمپی کاندیدی کۆمارییەکان لە پێشە، بۆیە ڕەنگی ویلایەتەکە نیمچە سورە.
